LAOAG CITY – Agkiddaw ti lokal a gobierno ditoy siudad ti Laoag iti opisina ni 1st District Cogressman Sandro Marcos iti pannakaiyalokar ti pondo ti maipatakder a pasdek para iti Philippine Coast Guard.
Daytoy ket manamnama a maipatakder iti Brgy. Lapaz West babaen iti bileg ti maysa a resolusyon nu sadino a dua a pasdek ti masapol a maaramid.
Maysa ditoy ti agbalor ti maysa a milyon a pisos idinto a ti maysa ket dua a milyon a pisos.
Immunan a nadefer ti nasao a resolusyon iti sangguniang panlungsod para iti pannakaurnos daytoy sakbay a maipasa.
Adda metten ti naidonar ti lokal a gobierno ti siudad a lote babaen ken ni Mayor Michael Marcos Keon ken aglawa iti 2.5 nga ektarya itay napan a tawen para iti nasao a pasdek ti Philippine Coast Guard.
