LAOAG CITY – Kalikagum ti lokal a gobierno ditoy siudad ti Laoag a makipinnirma iti Department of Science and Technology para iti Smart and Sustainable Communities Program.
Daytoy ti indasar ni Sangguniang Panlungsod Member John Micheal Fariñas kabayatan ti regular session ti konseho ti siudad.
Segun ken ni Fariñas, napateg ti siensia ken teknolohia para iti panagdur-as ti maysa a komunidad.
Karaman iti daytoy a katulagan dagiti nagduduma a proyekto ken programa a maipatungpal babaen ti panangusar iti siensia ken innovasion tapno ad-adda a mapadur-as ti komunidad.
