LAOAG CITY – Inaprisiar iti lokal a gobierno ditoy ciudad ti Laoag ti kinaalisto ti panagresponde dagiti kameng ti Bureau of Fire Protection ken dadduma a volunteers no adda dagiti uram a mapaspasamak ditoy ciudad ti Laoag.
Daytoy ket kalpasan iti nagsasaruno nga uram a napasamak itay kallabes ditoy ciudad pakairamanan iti agarup maysa nga ektaria a kaliddaan iti paset ti Padsan River.
Mainaig iti daytoy, kiniddaw ti lokal a gobierno ti panagbalin a responsable dagiti umili kangrunaan dagiti agturturong iti nasao a lugar.
Kabayatanna, dakkel a tulong iti pannakaipasdek ti baro nga Overhead Tank iti Bureau of Fire Protection ditoy ciudad gapu ta ti dati nga overhead tank ket nagrikki gubuay iti gingined a napasamak iti kallabes .
Ti nausar para iti pannakaipasdek ti baro nga overhead tank ket nagappo iti pondo manipud iti lokal a gobierno ditoy ciudad.
Inpasingked ti lokal a gobienro iti naan-anay a suportana iti Bureau of Fire Protection ditoy ciudad kangrunaan na ita a panawen ti kalgaw.
