LAOAG CITY – Inpannakel ti lokal a gobierno ditoy siudad ti Laoag dagiti agbalin a coaches ti baseball team para iti mapaspasangasangan nga Region I Athletic Association (R1AA) Meet 2025.
Segun ken ni Mr. Hipolito Salva Jr., mangidadaulo ti Local Youth and Sports Development ditoy siudad a dagiti coaches ket manipod iti Philippine National Baseball team.
Binigbigna dagitoy nga ida Mr. Dok Vince Sagisi, Mr. Mar Joseph Carolini, Mr. Nigel Paule, Mr. Adimir Eguia, Mr. Mike John Gante, ken Mr. Jennald Pareja.
Inpakaammo na a ni Mr. Sagisi ket naiyanak iti ili ti Bacarra ken dimmakel idiay Los Angeles.
Patienna a babaen kadagiti coaches ket naiget a masanay dagiti atleta ditoy siudad tapnu magun-od da ti kampeonato.
Inrakurak na nga iti agdama ket mannarimaan ti panagsanay dagiti atleta iti Northwestern University.
Inpetteng na a daytoy nga addang ket araramiden ti lokal a gobierno ditoy siudad tapno masigurado a magun-od da ti kampeonato.
Kunana a naigeten ti panagensayo da gapu ta umadanin ti laban da a maiwayat inton bulan ti Marso iti probinsya ti La Union.
Maipalagip a ti School Division ti Laoa g City ket nagbalin a kampeon iti Region I Athletic Association (R1AA) Meet 2024 a naangay ditoy siudad ti Laoag.
