LAOAG CITY – Maisagsaganan dagiti nagduduma a dokumento a maisumitir iti National Economic and Development Authority (NEDA) para iti pannakaipangato ti kwalipikasion ti lokal a gobierno ditoy ciudad ti Laoag.
Segun kenni Mr. Edgar Pascual, ti City accountant ditoy ciudad ti Laoag, manipud idi 2021 agingga 2023, umab-abot P1.10B ti average annual income ti lokal a gobierno ditoy suidad maibasar iti Commission on Audit (COA).
Inlawlawagna a no makapastrek ti 1-bilyon a pisos iti kada tawen ti maysa a lokal a gobierno ket kwalipikadon nga agbalin a 2nd class city.
Inbatad ni Pascual a no agbalin a 2nd class iti ciudad ket ad-ado ti benipisio a magun-od na, al-alisto iti pananakaited ti serbisio ken ad-ado dagiti mayat nga negosio.
Malaksid kadagitoy, kunana a mabenipisiaran pay dagiti agpanpaday linteg ti lokal a gobierno ditoy ciudad gapu ta ngumato ti sweldo ken benepisio dagitoy.
Kabayatanna, naamoan nga iti agdama ket nangato iti mapaspastrek iti ciudad isut gapu na a makaaw-awat ti tinawen a nasurok nga 800 a milyon a pisos kas national tax allotment (NTA) manipud ti gobierno national.
