LAOAG CITY – Inpaayan iti lokal a gobierno ditoy ciudad ti Laoag iti 3D Printer nga agbalor ti P160,000 iti Rodolfo CG Fariñas Science High School.
Segun iti local a gobierno, mausar daytoy iti subject a Creative Technology nga adda iti babaen ti Science High School Curriculum.
Daytoy a teknolohia ti mangipaay ti naan-anay a gundaway kadagiti estudiante a mangipakita ti kinalaing da iti panag-disenyo, mangpartuat kadagiti naidumduma a talento ken panangited ti solusyon.
Babaen ti hands-on a panangusar ti 3D printing, ad-adda a masanay dagiti estudiante kadagiti baro a teknolohia.
Innayonna ti lokal a gobierno a dakkel pay a tulong daytoy a mangisagana kadakuada kadagiti pilienda a kurso wenno kayat a pagbalinan a maiyannatop kadagiti baro a teknolohia.
