LAOAG CITY – Napadayawan ti lokal a gobierno ditoy ciudad ti Laoag kas Highly Functional Anti-Drug Abuse Council (ADAC) iti 2024 ADAC Functionality Audit babaen ti Department of Interior and Local Government.
Daytoy ti inpakaammo ni Ms. Charis Garma, ti mangidadaulo iti Department of Interior and Local Government ditoy ciudad ti Laoag.
Segun kenkuana, nagun-od daytoy babaen kadagiti programa ken panagtitinnulong ti tunggal maysa iti kampanya iti pananglaban ken pananglapped ti operasion ken panagusar ti illegal a droga.
Inpasingked na a mapagtalianed ti nasalun-at, natalna ken natalged a siudad.
Kabayatanna, kunana nga agtultuloy iti panangkita ti Department of Interior and Local Government no kasano pay a matulungan dagiti barangay ditoy ciudad a saan pay a drug free.
