LAOAG CITY – Kinumpirmaran ni Dr. Rodrigo Catcatan, Officer In Charge ti City Health Office a pimmasa ti lokal a gobierno ditoy siudad ti Laoag iti Zero Open Defecation Validation ti Department of Health.
Segun kenkuana, ti Zero Open Defecation (ZOD) Program ditoy pagilian ket maysa nga initiatibo tapno maikkat ti open defecation babaen ti panagusar ti sanitary toilets ken proper hygiene practices.
Inbatadna nga adda ti maisaysayangkat a validation kadagiti nagduduma a barangay ditoy siudad tapno mapagtalinaed ti kinadalos iti aglawlaw.
Inlawlawagna a daytoy ti umuna a gundaway a nakapasa ti siudad iti Zero Open Defecation Validation.
Innayonna ti naiget a panangitandudo iti pannakatagiben ti aglawlaw ken ti umiso a pannakaipatungpal ti waste segregation.
