LAOAG CITY – Manarimaan ti pannakaimplementar dagiti tallo a kangrunaan a proyekto ti lokal a gobierno iti ili ti Marcos.
Dagitoy ket ti pannakaipasdek ti Civic Center, Sang Bayan Hall ken ti pannakapapintas ti sangwanan ti municipyo.
Segun ken ni Mayor Antonio Mariano, addan ti 70 a porsiento ti nalpas iti Sang Bayan hall idinto a 50 a porsiento ti nalpasen iti civic center idinto a karugrugi paylaeng ti pannakapapintas ti sangwanan ti municipyo iti nadakamat nga ili.
Inpasigurado ti mayor a malpas ti civic center sakbay ti panagfiesta iti nasao nga ili intono Marso.
