LAOAG CITY – Inimbitaran ti Department of Trade and Industry ti Local Government Unit iti ili ti Pinili idiay Estados Unidos tapno itandudo ti inabel.
Segun ken ni Vice Mayor Maynard Francis Bumanglag iti ili ti Pinili, adda ti uppat nga ili nga inimbitaran ti Department of Trade and Industry pakairamanan ti Banna, Paoay, Sarrat ken Pinili.
Nupay kasta, inbatadna a ti lokal a gobierno laeng iti ili ti Pinili ti nakaatendar iti imbitasion ti Department of Trade and Industry.
Inlawlawagna a gagem ti programa a maitandudo ti inabel iti ili ti Pinili nga idadauloan ni Nana Magdalena Gamayo saan laeng ditoy pagilian no diket iti intero a lubong.
Innayonna a mangnamnama daytoy nga ad-adu pay ti mabisita a lugar tapno ad-adu ti agkainteres iti inabel a produkto iti ili ti Pinili.
