LAOAG CITY – Agtultuloy ti panangsuporta ti lokal a gobierno iti ili ti San Nicolas iti benneg ti ay-ayam.
Segun ken ni Mayor Mike Hernando, malaksid kenkuana ken ti lokal a gobierno ket naiget ti sibubukel a pamiliana a mangitantandudo iti daytoy.
Inbatadna a sipod pay idi nagtugaw kas Mayor iti ili ti San Nicolas ket naruayen dagiti sinuportaranna nga sporting events kas ti Hernando Camp a dua a tawenen a maisaysayangkat, TODA Camp ken Da Vinci Camp no sadinno provincewide daytoy nga adda ti maysa a team manipud iti ilida ti makipaset iti ay-ayam.
Kabayatanna, mamati ni Mayor Hernando a babaen iti daytoy a wagas ket makitana ti panagkaykaysa ken napintas a pannakilangen-langen dagiti umili.
