LAOAG CITY – Nagpinnirma ti lokal a gobierno iti ili ti San Nicolas ken ti Bureau of Fire Protection (BFP) ditoy probinsya ti deed of usufruct.
Daytoy ket para iti pannakaipatakder ti permanente nga opisina ti provincial BFP.
Iti nasao a panagpinnirma ket ni Mayor Alfredo Valdez ti nangibagi iti lokal a gobierno ti San Nicolas idinto a ni Fire Chied Inspector Roxane Parado iti provincial BFP pakairamanan ni Regional Director Senior Superintendent Risa Simbahon.
Naamoan a ti lote a pakaipatakderan ti baro nga opisina ti provincial BFP ket addaan ti kalawa nga 400 sq meters.
Segun ken ni Mayor Valdez babaen iti deed of usufruct ket adda ti partnership iti nagbaetan ti LGU ken ti BFP.
Kuna na a malaksid nga as-asideg ti pagkamangan a BFP iti ili ti San Nicolas ket dakkel a makatulong iti panagresponde nu bilang adda ti mapasamak nga uram.
Maipalagip nga awan ti permanente a lugar ti opisina ti provincial BFP ken ti naudi ket iti Takuat Center.
