LAOAG CITY – Nakagun-od ti Seal of Good Local Governance Award ti lokal a gobierno iti ili ti San Nicolas.
Segun ken ni Mayor Mike Hernando iti nasao nga ili, mamati a gapu iti naiget a panagkaykaysa dagiti umili ket naawatda iti nasao a pammadayaw.
Inbatadna a saan nga isuna ti rumbeng a mapadayawan no di ket dagiti umili gapu ta ar-aramidenna laeng ti trabahona.
Inlawlawagna nga adu dagiti karit sakbay a naragpatda daytoy a pammadayaw gapu ta adda ti sangapulo a sangay a masapol a makumpletoda.
Naammoan a karaman ditoy ti napintas a panangipatungpal ti 20% Development Fund ken maipangato iti lima a porsiento ti revenue collection.
