LAOAG CITY – Inpakaammo ti lokal a gobierno iti ili ti Sarrat a saan da nga agsingsingir ti bayad kadagiti patiente nga agususar ti ambulansya.
Daytoy ti nagbalin a rakurak ni Mayor Remigio Medrano kalpasan nga adda dagiti sumagmamano a District Hospital ditoy probinsia nga agpabayad iti pannakausar ti ambulansya.
Segun kenkuana, no adda iti uneg ditoy probinsia ti pakaitarayan ti patiente ket saan da nga agkiddaw iti aniaman a bayad.
Innayonna a no mausar ti ambulansya iti ruar ti probinsia kas iti Metro Manila, ket baklayen ti Local Government Unit ti gasolina ngem saan daytoy a makaanay iti panagsubli ditoy probinsia rason nga isu ti panagkiddaw da ti nayon a paggasolina nangruna makita da a kabaelan ti indibidual.
Inlawlawag pay ni Medrano a para kadagiti indigent wenno marigrigat a pasyente, obligasyon ti lokal a gobyerno ti mangipaay ti tulong ken saan nga agsingir iti aniaman a bayad.
