LAOAG CITY – Marigatan iti ili ti Solsona gapu iti kinaawan ti Municipal Health Officer iti Rural Health Unit.
Segun iti lokal a gobierno, nabayagen nga awan iti health officer-da rason a nagkiddaw da iti gobierno probinsial.
Mainaig iti daytoy, kasapulan nga agturong pay laeng dagiti maseknan wenno dagiti indibidual nga agkasapulan ti serbisio ti health officer iti kabangibang nga ili, kas iti panagpapirma kadagiti dokumento.
Maproblemaan pay ti lokal a gobierno gapu ta awan iti mangimaton iti Rural Health Unit iti nasao nga ili.
Nupay kasta, inpasigurado ti lokal a gobierno a saan maapektaran ti serbisio medikal nga maipapaay kadagiti agkasapulan.
Maipalagip a nabakante ti posisyon kalpasan a nagretiro ni Dr. Ruth Baria De Lara idi bulan ti Pebrero ita a tawen.
