LAOAG CITY – Nagkiddaw ti lokal a gobierno ti Solsona iti biang ti Provincial Government of Ilocos Norte ti nayon a health care workers para iti maiyuswat a contact tracing iti nasao nga ili.
Daytoy ti inpakaammo ni Mr. Alfonso Jeziel De Los Reyes ti Secretary ti Office of the Mayor ti Solsona.
Segun kenni De Los Reyes, iti agdama ket dumaldaland a ti panag-quarantine kalpasan a maibilang dagitoy a primary contact ti immunan a nagpositibo iti COVID-19 a ni IN-C941, maysa a babai, agtawen ti 30, residente ti Brgy. Talugtog, Solsona ken Authorized Persons Outside Residence wenno APOR kas agpapaay kas maysa nga empleado ti gobierno.
Kunana nga umabot ti nasurok limapulo a tattao ti nakapinnulapol ni IN-C941 a pakairamanan isuna ken dagiti amin a Rural Health Unit personnel, drivers, Municipal Disaster Risk Reduction and Management Office staffs, sumagmamano a kameng ti Philippine National Police.
Gapu iti daytoy, inlawlawag na a dimmalan da ti swab test ken mangnamnama daytoy a negatibo ti resulta da amin tapno maituloy da a makapagserbi kadagiti kailian da banag a dakkel a pukaw ti serbisio nga ipapaayda kadagiti nakaipatungpalan ti lockdown.
Innayon na a dumawdawat daytoy ti naan-anay a kooperasion dagiti umili tapno saanen nga agwaras pay ti virus kadagiti dadduma a kailian.
