LAOAG CITY – Nagkiddaw ti lokal a gobierno iti ili ti Solsona ti Flood Control Plan iti Department of Public Works and Highways – Regional Office.
Daytoy ket tapno masolusyon dagiti pannakalayos dagiti sumagmamano a barangay iti nadakamat nga ili.
Babaen iti Flood Control Plan ket makita no kasanu a maliklikan ti panagngato ti danom, ken mapasayaat ti pagtarayan ti danom wenno water waste.
Mamati ti lokal a gobierno a babaen iti daytoy nga addang ket maprotehiran dagiti umili iti possible nga epekto ti nakaro a layus. Maipalagip a no panawen ti tudtudo ket ado dagiti barangay iti ili ti Solsona a malaylayos, kas iti Barangay Lipay ken Nalasin nga iti laeng kallabes ket na-isolate gapu iti panagdakkel ti danom iti karayan
