LAOAG CITY – Mananmnama a maaramid iti mabiit ti saritaan iti nagabetan ti Diocese of Laoag wenno ti simbaan ken ti gobyerno lokal ti ili ti Solsona nga idadauloan ni Mayor Alex Calucag.
Daytoy ket kalpasan a nagsurat ti simbaan iti munisipyo seknan kadagiti sanikua ti tumunggal maysa ken insigida a sinungbatan da.
Segun ken ni Calucag, insigida a nagukkon da kadagiti pammaneknek a no sadinno a naduktalan da a ti Civic center agpadaya agingga iti simbaan ket kukua ti simbaan, ngem ti plaza a nakaipatakderan ti multipurspose hall building ket kukua ti munisipyo ken ti boundary na ket ti public plaza.
Daytoy ti rason kuna ni Calucag a saanda a mabalin tagikukuaen ti saanda a kukua gapu ta adda mangipakita no saisinno ti agtagikua kadagitoy.
Nupay kasta, inbaga ti Mayor a mabalin a maala iti nasayaat a saritaan ti aniaman a saan a panagkinnaawatan ita ti simbaan ken ti munisipyo ket no ilako ti simbaan ti nagtakderan ti civic center ket ikarigatan da a gatangen ngem no saan ket mabalin da nga ikkaten tapno mawadaaan ti parupa ti Munisipyo.
Mainaig iti daytoy, nasdaaw ti Mayor no kasano a naidalos ti titulo ti lote a nakaipatakderan ti civic center idinto nga agdadata a kukua daytoy ti simbaan.
Segun ken ni Calucag, daytoy ita ti dakkel a salodsod no kasano a naidalos ti cadastro ti lote, no siasinno ti nangipalubos ken naipanaganen iti munisipyo.
Kuna na a saan ngamin a naipa-conquor dagiti maseknan isu a nagkaproblema daytoy.
Inlawlawag na nga iti kabibingan na idi agtugaw daytoy gapu ta adda ti pundo na ti civic center isu nga intuloy na ken inpakammo na met iti simbaan ti nasao nga addang.
Nupay kasta, mangnamnama pay laeng ti Mayor a masulbar iti aniaman a saan a panagakinnaawatan iti nagbaetan ti musipyo ken ti simbaan.
