LAOAG CITY – Nagballigi ti Liberal party ni Prime Minister Mark Carney iti kalepleppas nga eleksyon idiay Canada no sadinno a maibilang daytoy a naisangsangayan a panagbalbaliw para iti centre-left party.
Iti victory speech ni Carney, inbatad na nga ikarkarigatan ni US President Trump a waraen ti Canada tapno matagikua daytoy ti America.
Nupay kasta inkari ti prime minister a saanto pulos a mapasamak ti plano ni US President Trump.
Inpetteng pay ni Carney a nalpasen ti pannakakigtot ti Canada iti pananggulib ti Amerika iti pagilian da, ngem saanda a rumbeng a liplipatan ti adal nga intunda daytoy.
Ti naabak a Conservative leader a ni Pierre Poilievre a nangnamnama nga isuna ti sumaruno nga agtugaw a Prime Minister ti Canada ket manamnama a mapukawan iti pwesto.
