LAOAG CITY – Adda ti naidiaya a libre a lugan para kadagiti senior citizens, masikog ken dagiti Person With Disability a bumisita iti tanem dagiti ay-ayatenda iti biag a pimmusayen iti San Nicolas Public Cemetery.
Naiget a maipawil a sumrek dagiti lugan iti uneg ti nasao a kamposanto tapno maliklikan ti nailet a pagnaan dagiti tattao.
Nakumpiskar dagiti sumagmamano a deadly weapons wenno dagiti natatadem a banag kas ti kumpay, buneng ken dadduma pay kadagiti napan bimmisita iti San Nicolas Public Cemetery.
Kabayatanna, nakaalerto dagiti kameng ti Philippine National Police, Bureau of Fire Protection, Barangay Officials ken pakairamanan dagiti volunteers.
