LAOAG CITY –Maipaay ti libre a serbisio ti family planning kas paset ti panagselebrar ti World Contraception Day intono Setiembre 26 ditoy siudad ti Laoag.
Daytoy ket ipaay ti Laoag City Government ken kangrunaan a mabenepisiaran ket dagiti teenage mothers.
Segun ken ni Mr.Janet Retamal, ti mangidadaulo ti City Population Office iti siudad a target-da nga ipaayan ti 20 a teenage mothers ti contraceptive implant iti Laoag City General Hospital.
Ti nasao a 20 a teenage mothers ket dagiti immune a naipaayan ti contraceptive implant idi tawen 2023 iti babaen ti Handog ng Pangulo, no sadinno a ti implant ket agpaut laeng iti las-ud 3 a tawen isut gapuna a kasapulan daytoyen a maikkat.
Gapu iti daytoy, kasapulan a rugiananen ti City Health Office a kontaken dagitoy para iti pannakaikat wenno pannakasukat ti nasao nga implant.
Mainaig iti daytoy, mannarimaan met ti pananggutigot ti siudad kadagiti 15 a kliente a managayat iti tubal ligation wenno BTL no sadinno nga adda ti pannakaiyuswat ti pre-screening tunggal Mierkules iti Laoag City General Hospital para kadagiti kayatna nga ag-avail iti BTL ken contraceptive implant.
Innayon ni Ms. Retamal a ti programa ket iti babaen ti pannakibinnulig ti health officials ken ti agtultuloy a suporta ti City Government of Laoag a gagemna ti tumulong kadagiti pamilia nga agplano ken manglimitar iti bilang dagiti annak ken iti babaen ti boluntaryo ken natalged a family services.
