LAOAG CITY – Naruay dagiti lokal a gobierno ti nangipasingked ti suporta na iti inpasa nga ordinansa ni Bokal Hanson Chua para iti libre a transportasyon dagiti Indigents Dialysis patients ditoy probinsya.
Inlawlawag ni Chua nga iti naiyuswat a public hearing ket ado dagiti lokal a gobierno ti nangikari nga agaramid da met ti ordinansa a mangsuporta iti inpasa na.
Gapu iti daytoy, inlawlawag na a napagsasaritaan da payen iti public hearing ti maipanggep iti Implementing Rules and Regulations ti nasao nga ordinansa no sadinno a masapol a saan nagulo ken narigat ti pannakaiyimplementar na.
Inpakaammo ni Chua a karaman pay a nagatendar iti public hearing ket dagiti sumagmamano nga ospital ken ti Metro Ilocos Norte Council.
Innayon na a no naan-anay a maipatungpal ti ordinansa ket sakupen daytoy ti amin nga ospital ken masapol a siguradwen nga awan pulos ti bayadan dagiti pasyente ken saan a mausar ti Philippine Health Insurance Corporation (PHilHealth) package.
