LAOAG CITY – Maidiaya ti libre a wifi ken video call kadagiti balod iti Bureau of Jail Management and Penology (BJMP) idiay Batac City.
Daytoy ti inbatad ni Jail Senior Insp. Antonio Sapaden Jr., Jail Warden ti nasao a pagbaludan.
Kuna na a babaen ti “e-dalaw”, maysa a programa ti opisina da, ket maikkan ti gundaway dagiti balod nangnangruna a makita ken makisarita da dagiti adda kabagian na wenno pamilya na idiay ballasiw taaw ita nga holiday season.
Inbatad ni Sapaden nga inton bigat ket maiwayat ti “open dalaw” para kadagiti kabagian ken kameng ti pamilya dagiti balod tapno makadenna da dagiti kabagian da a balod.
Innayon ni Sapaden a kageddan ti “open dalaw” ket masangailinto ni Mayor Albert Chua.
Iti agdama ket umab-abot ti 204 ti bilang dagiti balod iti BJMP-Batac.
