LAOAG CITY – Nangrugin ti pannakaipaay ti LIBRENG SAKAY para kadagiti residente ditoy probinsia.
Segun kenni Gobernador Cecilia Araneta Marcos, ti “LIBRENG SAKAY” ket maisayangkat iti sibubukel a bulan ti Abril manipod Lunes agingga iti Hwebes iti kada lawas.
Daytoy ket tulong kadagiti umili gapu iti mapaspasamak a krisis nga epekto ti panangngato ti presyo dagiti produkto a petrolyo.
Naamoan nga adda ti 12 a ruta ken agoperar dagitoy ti mamintallo a daras iti bigat ken kasta met iti malem tapnu masigurado a maserbian amin nga umili.
Ipaayan ti gobierno probinsyal babaen ti Metro Ilocos Norte Council (MINC) ti fuel subsidy ken sweldo dagiti driver-operators ti Public Utility Vehicle ken mausar ti lugan ti gobierno probinsyal kadagiti dadduma a ruta.
