LAOAG CITY – Maisayangkat ti outreach licensing program ti National Telecommunications Commission (NTC) intono Marso 15 agingga ti Marso 16 iti Laoag City Hall.
Daytoy ti inpakaammo ni Engr. Rolando Sevillano, regional director ti NTC region 1.
Mabalin a gundawayan dagiti addaan ti licensya nga aglaklako ken agtartarimaan ti cellphone, radio operators ken dagiti agus-usar ti two-way radio.
Ipaay da ti serbisyo para kadagiti agirenew ti lisensyana wenno ti Radio Operator’s certificate ken masapul ti tallo nga 1×1 id picture ken dagus maala dagitoy.
Mainaig iti daytoy, dagiti baro a mangala ti lisensya para akdagiti aglaklako ken agtartarimaan ti cellphone ket masapul ti DTI sertificate, mayor’s permit wenno ti resibo nagbayadan tapno insegida a maala da ti lisensya.
