LAOAG CITY – Kinumpirmaran ni US Pres. Joe Biden a napatay ti Estados Unidos ti leader ti al-Qaeda a ni Ayman al-Zawahiri, iti counter-terrorism operation idiay Afghanistan.
Basar iti impormasyon, natay daytoy babaen iti drone strike nga inyuswat ti CIA iti Afghan capital a Kabul no sadinno daytoy ti maibilang a kadakkelan a panangraot iti militant group sipud napatay ti founder a ni Osama bin Laden idi 2011.
Ni Zawahiri, maysa nga Egyptian doctor and surgeon, ket adda ti partisipasyon na iti Sept. 11, 2001 attacks no sadinno uppat a civilian aircraft ti na-hijacked ken timmama iti World Trade Center’s twin towers idiay New York, Pentagon iti asideg ti Washington ken iti Pennsylvania field, a nakatayan ti agarop tallo ribo a tattao.
Segun kenni Biden, ado ti madi a naaramid ni Zawahiri a kindamsak kontra kadagiti Amerikano.
Ibilang ni Biden a naiserbin ti hustisya ken awanen dagiti terrorist leader.
Rumrumuar a ni Zawahiri ket adda iti sango ti bacony iti safe house na idi adda ti naipabanto babaen iti drone a dua a missiles kenkuana.
Naamoan nga adda met dagiti dadduma a pamilya na iti nasao a lugar ngem saan da a naan-ano.
Inbatad pay ni Biden nga inaprubaran na ti “precision strike iti agtawen ti 71 nga al-Qaeda leader.
