LAOAG CITY – Maikkan ti tulong dagiti probinsiya a dinalapos ni bagyo Ompong babaen ti Philippine Councilors League National Chapter ken ni gobyerno ti ciudad ti Davao.
Inbatad daytoy ni Sangguniang Bayan Member ken Ex Officio Member ti Sangguniang Panlalawigan Domingo Ambrosio.
Segun ken ni Ambrosio, napasingkedan dagitoy a manamnama a tulong bayat iti iyaatendar na iti National Convention ti PCL a naangay idiay Zamboangga City itay kallabes.
Kuna na a nakasarsarita na ti National Pres. ti Liga da ket naibaga na mangited ti liga da iti sag 100 a ribo a pisos kadagiti probinsiya a dinalapos ti Ompong.
Kunana a malaksid ti PCL, mangited pay ti gobyerno ti cudad ti Davao ti sag mamaysa a million a pisos kadagiti nasao met la a probinsiya.
Gapu iti daytoy, kuna na nga iyuray da ti nasao a tiempo ket no mapasamak daytoy ket isunto met ti panagaramid da ti resolsoyon a pakaipalauanan ti panagyaman ti probinsiya iti nasao a tulong.
