LAOAG CITY – Natay ti lima a journalist iti panangraut ti Israel iti sentral a Gaza Strip.
Basar kadagiti report, adda dagiti lima a biktima iti maysa a Quds Today van a nakaparada iti ruar ti ospital ti al-Awda, gapu ta dandanin agpasngay ti asawa ti maysa kadagiti journalists.
Ti lugar ket isu met ti sentro ti kampo dagiti Nuseirat refugee camp.
Ngem sumagmamano nga iras ket kellaat a simmabog ti van.
Iti post online makita pay nga agkaykayamkam ti apoy iti lugan nga addaan iti “press” signage iti aglawlaw na.
Kinuna ti Israel Defence Forces (IDF) a pinuntiriada dagiti Islamic Jihad operatives nga agpammarang a journalists ken naaramid dagiti addang tapno maliklikan ti pannakadangran dagiti sibilian.
