LAOAG CITY – Naragsak nga inpakammo ni Barangay Chairman Jogie Calapao iti Barangay Barani iti ciudad ti Batac a dagiti Top 40 a boluntaryo nga agidonar ti dara ket maikkan ti sag-lima a kilo a bagas.
Segun kenni Calapao, paset daytoy iti panagyaman da kadagiti amin a mangsupsuporta iti bloodletting ti nasao a barangay.
Naamoan a daytoy ti maika-10 a tawen a programa da a Barani Bloodletting ken maiyuswat daytoy intono Pebrero 27, aldaw ti Sabado.
Inbatad na a ti inisyal a nagpailista iti daytoy ket nga aktibidad ket 50 ken mangnamnama a manayunan pay tapno ad-ado met ti matulungan.
Ti blood letting activity ket pakibinnuligan ti Mariano Marcos Memorial Hospital and Medical Center ken ti CHo iti ciudad ti Batac.
