LAOAG CITY – Natiliw dagiti lima a lallaki babaen ti operasyon dagiti kameng ti PNP Dingras. CIDG, Provincial Mobile Force Company, ken PID-INPPO iti Buncag Cockpit Arena iti ili a Dingras.
Segun kenni Police Supt. Relly Arnedo, hepe ti PNP Dingras, naaktuan da a manarimaan ti panagpapallot usar dagiti equipment para ti “online sabong” wenno panagpusta iti internet.
Kuna na a dagiti natiliw ket naggapu da idiay probinsya ti Pampanga.
Mainaig iti daytoy, nakumpiskar dagiti computer, camera monitors ken sabsabali a ramit para ti online betting.
Innayon ni Arnedo a maisagsaganan ti reklamo nga iligal gambling ken mainaig ti cyber crime law.
Inlawlawag ni Police Supt. Arnedo ti nagbalin nga operasyon ti online betting iti Buncag Cockpit Arena iti ili a Dingras.
Kuna na nga adda ti live coverage iti facebook ken agkidkiddaw no siasinno dagiti mabalin nga mangilive stream ti pallot.
Segun kenni Arnedo, daytoy ti rason a naiplastar dagiti equipnment babaen kadagiti natliw a lima a lallaki a naggapu idiay probinsya ti Pangasinan.
Dagiti natiliw ket mapapati nga operator dagiti nakumpiskar nga equipment para ti online betting.
