LAOAG CITY – Naarestar ti lima a lallaki iti maysa a military base iti England nga ususaren ti Estados Unidos.
Segun kadagiti otoridad, nakaawat dagitoy ti impormasion iti tallo a puraw a van nga agturong iti RAF Fairford no sadinno a nangiwayat nga insigida dagitoy ti imbestigasion gapu iti posible a panaglabsing iti paglintegan mainaig iti bomba ken panagsagsaganada a mangiwayat ti terorismo nga aktibidad.
Adda nakakita kadagitoy a maipagarup a naka-maskarada ken naka-hood a lallaki no sadinno a naduktalan a dagitoy ket British nationals ken agtawen iti 20s ken agdama nga agnanaed iti London.
Mainaig iti daytoy, agususar pay dagiti otoridad ti bomb disposal robot iti van kas paset ti imbestigasion ken nangimontar dagiti pulis ti 400-meter security cordon no sadinno a temporario pay a naibakwit dagiti residente manipud iti 85 a bagtaengan bayat ti imbestigasion.
