LAOAG CITY – Narikna ti 9 a nagsasaruno a gingined ditoy Ilocos Norte idi malem kalman ken idi rabii.
Immuna a narikna ti magnitude 1.6 a ginginned iti oras ti alas 5:25 iti malem ken ti epicenter na ket iti ili ti Pasuquin.
Kalpasan na ket ditan a narikna ti nagsasarunon a gingined idi rabii; magnitude 2.5 iti oras ti alas-9:01; magnitude 4.3 iti oras ti alas-9:06; magnitude 2.0 iti oras ti alas-9:26; magnitude 3.7 iti oras ti alas-9:40; magnitude 3.2 iti oras ti alas-9:46; magnitude 2.4 iti oras ti alas 9:50; magnitude 2.4 iti oras ti alas 10:08 ken magnitude 2.1 iti oras ti alas 11:07 a no sadinno a ti epicenter na ket iti ili ti Carasi.
Naamoan a dagiti narikna a panagdayyeg ket agpapada a tectonic in origin.
Awan met dagiti naireport a nadangran wenno nadadael kadagiti nagsasaruno a panagdayyeg.
