LAOAG CITY – Maipadalan iti inquest proceeding iti piskalya dagiti lima a natiliw a nagsusugal iti maysa a minatay iti Brgy. 61 Cataban ditoy siudad ti Laoag ita nga aldaw.
Dagiti natiliw ket pakaibilangan ti mannalon, ken welder, idinto a tallo kadakuada ti residente iti nasao a barangay ken saggaysa ti residente iti Brgy. 60B Madiladig ken Brgy. 60A Caaoacan ditoy siudad.
Immunan nga inpakaammo ni Police Major Rommel Ramos, DCOP ti PNP Laoag a nagay-ayam da ti Lucky 9 kalpasan a naaktuan dagiti otoridad.
Nakumpiskar ti 2,237 a pisos a pusta dagiti maseknan, baraha, personal a kuarta da ken dadduma pay.
