LAOAG CITY – Nauram ti dakkel a paset iti Waianae Valley iti paset ti Honolulu, Hawaii gapu ti kinapudot ti panawen.
Daytoy ti report ni Bombo International News Correspondent Manny Pascua iti nasao a lugar.
Segun kenni Pascua, ti report ti Honolulu Department ket nangrugi ti uram iti pasado ala-una ti parabangon ti Huebes.
Kuna na nga adda ti lima a pamilya ti nagbakwit gapu ti uram ngem awan ti nadangran iti nasao nga insidente.
Basar pay laeng iti Fire Department iti Honolulu umabot ti nasurok 200 acres wenno nasurok 80 nga ektarya ti karuruotan ti nauram.
Agtultuloy ti panagsebseb dagiti bombero ti uram ken nagusar da ti tallo nga helicopter a tumulong iti nasao nga operasyon.
