LAOAG CITY – Balligi ti naiyuswat a drug buy-bust operation iti Barangay 23, San Matias ditoy ciudad ti Laoag a nakatiliwan ti maysa nga indibidual.
Nabigbig daytoy a ni Christian Jay Tungpalan Domincil, agtawen ti 24, addaan ti live-in partner, awanan ti trabaho ken residente iti Brgy 40 Buyon, Bacarra, Ilocos Norte.
Basar iti Philippine National Police, ti suspek ket karaman iti Provincial Target List (SLI).
Iti operasyon nga inyuswast ti Bacarra Municipal Police Station kas lead unit, karaman ti personnel ti PDEU, PIU INPPO ken PDEA-INPO ket nakumpiskar da ti maysa a sachet ti maipagarop a shabu nga isu ti maipagarop nga inlako ti suspek iti poseur buyer.
Nakumpiskar pay manipud iti suspek ti maysa a sangribo a pisos kas buy-bust money, mausa a cellphone, maysa a belt bag a naglaon ti uppat a sachet ti maatap a shabu, maysa a vape, maysa a lighter, maysa a facemask ken uppat a pidaso ti piso ken ti motorsiklo na.
Naamoan a dagiti nakumpiskar a maipagarop a shabu ket agdagsen ti nasurok kumurang a 0.5 grams ken agbalor ti 3,400 a pisos.
Manamnama met a sumango daytoy ti kaso a panaglabsing iti Republic Act 9165 wenno ti Comprehensive Dangerous Drugs Act of 2022.
