LAOAG CITY – Innaganan ni Senate President Vicente “Tito” Sotto III dagiti senators a posible nga agbalin a baro a mangidaulo iti blue ribbon committee kalpasan a nagikkat ni Senator Panfilo “Ping” Lacson iti pwesto.
Karaman kadagiti dinakamat ni Sotto a maikonkonsiderar iti chairmanship iti Senate blue ribbon committee ket isuda Senator Joseph Victor “JV” Ejercito; Senator Raffy Tulfo; Senator Pia Cayetano; Senator Francis “Kiko” Pangilinan ken Senator Risa Hontiveros.
Para kenni Sotto, no siasinno ti irekomendar ni Lacson ket addaan met ti dakdakkel a tsansa iti daytoy.
Inlawlawag na a pagsasaritaan da daytoy ket nagpaawag ti causus kadagiti miembro majority intono bigat tapno mapagsasaritaan ti resignation ni Lacson.
Ummuna iti daytoy, nagikkat ni Lacson kas chairman ti blue ribbon committee iti baet ti imbestigasyon mainaig iti kurapsyon iti flood control projects.
Iti surat nga inpatulod ken ni Sotto, inbatad ni Lacson a ti panagikkatna ket gubuay kadagiti alegasion ken pannakadismaya dagiti sumagmamano a padana a Senador iti direksion ti imbestigasion ti komite.
Kunana a dagiti sumagmamano a kakaduana iti Senado ti nangibaga nga arig babbabalawen ti Blue Ribbon Committee dagiti sumagmamano a Senador idinto a maipagarup a protprotektaran met dagiti sumagmamano a miembro ti Kamara a karaman iti kontrobersia iti flood control projects.
