LAOAG CITY – Kinumpirmaran ni Police Captain Grandeur Tangonan, ti chief of police iti ili a Piddig nga adda dagiti lima a tattao a natiliw da gapu iti illegal a panagpukan ti kayo iti maaw-awagan ti Paraiso a sanctuary ti nasao nga ili.
Nupay kasta, saanen a binigbig ni Tangonan dagiti suspek ngem kunana a dagiti dadduma ket taga Paoay idinto nga adda met ti taga Vintar.
Segun kenkuana, uppat a century tree ti pinukan dagiti maseknan ken naalaan da pay dagitoy ti video ken ladawan kabayatan ti panagpukpukan da.
Gapu ti daytoy, kuna ni Tangonan a pinaayaban da pay ti mangibagbaga a daga na ti nagpukanan dagiti maseknan ti kayo.
Inpetteng ti opisyal uray daga ti maseknan ti nagpukanan dagiti maseknan ket masapol nga adda latta ti permit da nga agpukan.
