LAOAG CITY – Lima manen a pasyente ti covid-19 ditoy probinsya ti nakarekobre idi kalman.
Dagitoy ket isuda IN-C14, IN-C16, IN-C20, IN-C22, ken IN-C23.
Maipalagip a ni IN-C14 ket ti agtawen ti lima nga ubing a lalaki a taga Barangay Nalbo ditoy ciudad ti Laoag idinto a ni IN-C16 ket maysa a medical representative a taga Barangay 50 ditoy ciudad ken ni IN-C20 ket barangay health worker iti ciudad ti Batac.
Kabayatanna, ti IN-C22 ket maysa nga health worker a taga Barangay Mabusag iti ili ti Badoc ken ni IN-C23 ket ti agtawen ti 72 a lakay a taga Barangay Calayab ditoy ciudad ti Laoag.
Maipalagip nga idi laeng martes ket 10 a pasyente ti covid-19 ditoy probinsya ti naan-anayen a nakarekobre.
Gapu iti daytoy, adda laengen ti lima nga active cases ti covid-19 ditoy probinsya.
