LAOAG CITY – Agtultuloy ti rehabilitasyun dagiti lima a menor de edad a nakemmeg babaen iti buy-bust operation ti Ciudad ti Laoag ken napilaan ti kasu a panagsalungasing iti RA9165.
Segun iti PNP – Laoag, dagiti lima iti naitunda iti BAHAY PAG-ASA ti Ciudad ti Laoag nga imanmanehar ti City Social Welfare and Development Office (CSWDO).
Mainaig iti daytoy, inbaga ni Laoag City Mayor Chevylle Fariñas a dagiti nagannak iti nawaya a mangsarungkar kaagiti annaka da bayat ti rehabilitasyon da iti BAHAY PAG-ASA.
Nagpannawagan ti Mayor kadagiti nagannak nga uray anyaman nga estadu ti biyag ket maikkan kuma ti oras dagiti annak tapnun saan da a maiyaw-awan.
