LAOAG CITY -Nagtalinaed iti kustudiyar ti PNP-Dingras dagiti lima a natiliw gapo ti online gaming iti mismo a pagpapallotan idiay Brgy. Bungcag iti nasao nga ili.
Inbatad daytoy ni Police Supt. Relly Arnedo, chief of police ti PNP Dingras.
Daytoy ket kalpasan a saan a nakapagyansa da Allan de Guzman, agtawen ti 46; Ruzzel Lucbo, agtawen ti agtawen ti 25; Marcon Mandac, agtawen ti 26; Sonnyboy Pagustan, agtawen ti 45 ken ni Jesusito Villages, agtawen ti 62, agpapada a taga probinsya ti Pampanga.
Naamoan nga idi kalman ket naipursigen ti kaso a panaglabsing iti PD 1602 wenno ti illegal gambling.
Kabayatanna, manamnama met ita nga aldaw ti panagpyansa dagiti maseknan.
Maipalagip nga itay kallabes ket natiliw dagitoy kalpasan a naaktuan da a manarimaan ti panagpapallot usar dagiti equipment para ti “online sabong” wenno panagpusta iti internet.
