LAOAG CITY – Agtitinnulong dagiti lima nga ahensya ti gobierno a mangiyimplementar ti panaka-regulate ti panaglako ti paputok ditoy ciudad ti Laoag.
Dagitoy ket ti BFP, PNP, DILG, DOH ken DENR.
Segun kenni Fire Chief Inspector Roxanne Parado, Firemarshall ditoy ciudad ti Laoag, maymaysa laeng ti gagem da para ita a bisperas ti paskua ken ti panangpasangbay ti baro a tawen.
Daytoy ket ti napintas a pannakaiyimplementar ti Executive Order No. 28 a providing regulation and control of fire crackers ken pyrotechnics devices.
Mainaig ti daytoy, sinaggaysa ni Parado dagiti maibilang nga illegal a paputok.
Karaman ditoy ti Picolo, super lolo, whistle bomb, Goodbye earth, atomic big triangle, Judas Belt ken Watusi ken dadduma pay.
Kuna ni Parado, a nu malukatan ton ti paggatangan ti paputok ket ag-inspekdanto tapnu makita da nu siasinno dagiti aglako kadagiti maiparit a paputok.
Innayonna a dagiti matiliwan da nga aglabsing ti linteg ket sumango ti reklamo a panagsalungasing ti RA 7183 wenno ti An act regulating the sale, manufacture and use of fire crackers and other phyrotecnic device.
