LAOAG CITY – Maisagsaganan dagiti dokumento para pannakaipila ti kaso a sangwen dagiti lima nga indibidual a natiliw gapo iti panagsusugal dagitoy iti Barangay 1 ditoy ciudad ti Laoag.
Natiliw dagitoy babaen iti nagtitipon a pwersa ti PNP-Laoag kas lead unit, Ilocos Norte Police Provincial Office, CIDG Ilocos Norte, 1st PMFC, INPPO ken RID PRO1.
Basar iti impormasyon, dagiti suspek ket manipud iti Barangay 30-A, Suyo, Barangay 1, Barangay 22 ditoy ciudad, Barangay Manalpac iti ili ti Solsona ken adda pay ti taga Allangigan Segundo, Candon City, Ilocos Sur, ken ti nakalibas a residente iti Brgy. 60-A, Caaoacan, Laoag City.
Nakumpsikar ti pulisya ti tallo a billiard cue stick; maysa a bridge stick (tiririt); 16 a pidaso ti billiard ball, maysa a chalk nga addaan ti markings a master billiard chalk; maysa a billiard setter nga agmaris ti nangisit; ken ti pusta a 3,140 a pisos.
Nagtalinaed met dagiti suspek iti kustudiyar ti Philippine National Police ditoy ciudad ti Laoag.
