LAOAG CITY – Naipisuken iti Bureau of Jail Management and Penology (BJMP) dagiti lima a natiliw iti nagsasaruno a drug buy-bust operations ditoy ciudad ti Laoag idi domingo, Oktubre 6 ita a tawen.
Immuna a naisayangakatan ti operasyon dagiti aglive-in partner iti Barangay Navotas ditoy ciudad nga isuda Arthur Felipe ken Maricris Agsalud.
Simmaruno a natiliw ni Jose Pascual iti Barangay 5 ditoy ciudad idinto a ti maikatlo a naisayangkatan ti operasyon ket dagiti agpagayam a da Marvin Coloma ken ni John Louie Macaganda iti met laeng nadakamat a barangay.
Naamoan a ni laeng Pascual ti nagnegatibo iti drug test examination kadagiti lima a suspek.
Agpapada a sumangsango ti kaso a panaglabsing iti RA 9165 wenno Dangerous Drugs Act of 2002 dagiti suspek.
