LAOAG CITY – Napadayawan ti dua a siudad ken tallo nga ili ditoy probinsya nga Ilocos Norte iti 2021 Cities and Municipalities Competitiveness Index Survey.
Daytoy ket ti siudad iti siudad ti Batac ken ditoy siudad ti Laoag pakairamanan iti ili ti Pagudpud, Paoay ken Bangui.
Gapu iti daytoy, inpeksa ni Mrs. Rosario Cudala, provincial director ti Department of Trade and Industry (DTI) ti karikrikna na iti nagun-od ti probinsya.
Kuna na a dakkel ti panagyaman na kadagiti LGU a naipaayan ti pammigbig gapu iti panangipaay dagitoy iti naan-anay nga importanysa ti ekonomiya.
Kangrunaan ditoy ti livelihood ken pannakaawis kadagiti investors nga umay agpuunan nu sadino a mapataod ti nayun a pagtrabahoan ditoy probinsya.
Innayun na a tarigagay na a mapagbalin ti Ilocos Norte a business friendly babaen iti tulong dagiti opisyal iti tunggal ili.
