LAOAG CITY – Adaan lima ti bilang dagiti natay ken 437 dagiti biktima ti sakit a dengue iti interement e a probinsiya ti Ilocos Norte sipud Enero iti daytoy 2018 agingga iti bulan ti Julio iti nasao met a tawen.
Kinumpirmaran daytoy ni Dr. Josephine Ruedas, Prov’l Health Officer.
Segun ken ni Ruedas, dagiti lima a natay ket dua iti ili a Dingras, saggaysa iti ili a Solsona, Badoc ken iti ciudad ti Laoag.
Mainaig iti daytoy, inbatad ni Gov. Imee Marcos a gumatang da kadagiti dengue kit kalpsan a naamuan na a naibusen ken maib-ibusen ti nasao a kit ti PHO ken uray ti Mariano Marcos Memorial Hospital and medical Center iti ciudad ti Batac a dengue center.
Kuna ti gov. a no daytoy ket ipalubos ti Comission on Audit (COA).
Mainaig iti datoy,iyur-uray da Dr. Ruedas ken ni Gov. Marcos ti physicians report panggep ti natay nga ubing idiay ili ti Dingras.
Inadmitir da Ruedas ken Marcos a saan da pay nga ammo ti nasao a pasamak.
Nupay kasta, gapu ta naipadanon kadakuadan ti nasao a pasamak ket iyuray da ti nasao a report.
Maipalagip nga maipagarup nga immuna a nadiagnose a Urinary Tract Infection (UTI) ti sakit ti ubing ngem idi agbayag ket rumrummuar a dengue ti sakit na.