LAOAG CITY – Impakaammo ni Pol.Lt.Col Ryan Retotar, ti Chief of Police iti Philippine National Police (PNP) Laoag City a nagtalinaed ti linak ken talna iti siudad kabayatan ti maikalima nga State of the Nation Address (SONA) ni Presidente Ferdinand ‘Bongbong’ Marcos Jr.
Inbatadna nga awan ti aniaman a grupo a nangiwayat ti tignay-protesta ditoy siudad no sadinno nga in-monitor-da dagiti posible a pangiwayatanda ngem awan ti nakitada.
Gapu iti daytoy, maibilang ni Retotar kas generally peaceful ti siudad.
Innayonna nga apaman a naiwayat ti SONA ket adda dagiti nai-deploy a kapulisan tapno mangkita ti peace and order ngem kunana nga iti agdama ket awanen gapu ta nakitada ti linak ken talna iti siudad.
Kabayatanna, kunana nga adda latta dagiti kameng ti pulis a naka-mobile patrol tapno mangkita ti kinatalged iti tunggal umili.
