LAOAG CITY – Nagtalinaed ti linak, talna ken urnos iti paglaklakaoan ti papautok iti sirok ti rangtay wenno Gilbert Bridge ditoy siudad ti Laoag.
Mainaig iti daytoy, adda ti 8 a paglaoakan ti papautok ti nakapuesto nga aglako iti sirok rangtay ket immununan nga inrakurak ti Business Permit and Licensing Office ditoy siudad nga adda ti manamnama a 19 a paglakoan ti aglako ita a tawen.
Gapu iti daytoy, manamnama nga inton sumarsumaruno nga aldaw ket manamanama nga agipatakder ti pueston dagiti nabati a 11 a stalls nga aglako ti paputok iti sirok ti rangtay.
Segun ken ni Ms. Cheryl Antonio, maysa kadagiti aglaklako ti paputok iti sirok rangtay ditoy siudad ket ngabalin a natalna ken naurnos ti panaglako da kadagiti nagduduma a klase ti paputok sipud pay idi bisperas ti paskua ken addan dagiti sumagmamano nga indibidual ti gimmatangen.
Kinunana a agbalor ti whistle bomb iti 10 pesos agingga iti 20 pesos, kwitis ket agbalor met ti 15 pesos agingga iti 20 pesos iti kada pedaso idinto nga agbalor ti 1,500 pesos agingga 2,000 pesos ti maysa a bundle.
Inpaganetgetna nga adda dagiti ubbing a kayatda ti gumatang iti paputok ngem nagkedked dagitoy nga ilakoan ida gapu ta maiparit daytoy.
Nupay kasta, adda dagiti nakaipaskil a certificates ken dokumentasion a mangipaneknek a legal ti panaglako da ti paputok pakairamanan dagiti maipawil a mailako a paputok.
Malaksid iti daytoy ket adda dagiti naka-timba a danom iti tunggal pagloakan a mausar kas safety measure maipapan kadagiti mabalin a mapasamak nga insidente.
Kabayatanna, kuna ni Antonio nga inal-aldaw nga umay agmonitor dagiti kameng ti Philippine National Police ken Bureau of Fire Protection ditoy siudad tapno masigurado ti kinatalged iti nasao a lugar.
