LAOAG CITY – Pimmusay ti maysa a lineman ti Ilocos Norte Electric Cooperative (INEC) kalpasan a nagsaba ti nakana a sugat iti ulo gapu iti napasamak a degrasya iti paset ti Brgy. 29 ditoy siudad ti Laoag.
Basar iti imbestigasyon ti PNP-Laoag, agpapalaud a direksyon ti lineman a nangiturong ti motorsiklo idinto nga agpapadaya a direksyon ti kotse nga inturong ti agtawen ti 43 a lalaki ken residente iti Brgy. 11 ditoy siudad.
Rumrumuar a nag-overtake ti nangiturong kotse ken dita a nakasinnabat na ti lineman.
Gapu iti daytoy, nagdinnungpar ti dua a behikulo ken naipurwak ti lineman manipod iti motorisklo na rason a naitupar ti ulo na.
Naitaray ti lineman iti ili ospital ngem naideklara a dead on arrival.
Nagtalinaed iti kustodyar ti PNP ti driver ti kotse ken naamoan nga adda iti impluwensya ti nasanger idi napasamak ti insidente.
