LAOAG CITY – Umabot iti 21,000 a pisos ti balor dagiti nadadael iti pannakauram ti linong ti main building iti JLP resort iti Brgy. Suba Paoay.
Daytoy ti inpakaammo ni Fire Officer 3 Mark Allan Cocson iti Bureau of Fire Protection iti nasao nga ili.
Kuna ni Cocson a basar iti inisyal nga imbestigasyon, nangrugi ti apoy iti paglutoan nga adda iti likod ti main building iti resort.
Inbatad na a posible a nabaybay-an ti malutluto rason a dimmakel ti apoy agingga nga immabot iti linong ti pasdek.
Kabayatanna, inpakaammo ni Cocson nga awan met dagiti nadangran wenno dadduma pay a nadadael malaksid ti labig ken net a kangrunaan a linong ti pasdek.
