LAOAG CITY – Inbatad ni Atty. Alipio Castillo, Provincial Comelec Officer ditoy probinsya a saan a nalawag ti inaramid ti kongreso a paglintegan mainaig iti substitution ken campaigning.
Inlawlawag na a sipud idi 2010 ket sabalin ti nagbalin nga interpretasyon ti korte suprema isut gapuna a nagbaliw met ti panangiyimplementar ti Commission on Elections (Comelec).
Kuna na a no nalawag ken naurnus ti inaramid a linteg ti kongreso ket saanen a kasapulan nga i-interpret ti korte suprema ken al-alisto koma met ti panangiyimplementar ti Comelec.
Gapu iti daytoy, inbatad ni Castillo a panawenen tapno maamendaran ti linteg mainaig iti campaigning ken substitution.
Kabayatanna, inpetteng ni Castillo a ti kiddaw a maisubli ti dati a depenisyon no siasinno dagiti kandidato ket naladawen no plano nga iyimplementar koma para iti May 2022 elections.
